Photo credit: Ressan Amam
Nangad'n si Bai Sandra Sema sa Grand Kanduli Thanskgiving kanu ikasiyaw gay nu september, 2018 a lu binatun sa Mall of Al-Nor, Cotabato City. Nya kahanda nu kinagkanduli sa masla ni Bai Sandra Sema na para sa kabanalamat sa kinapass nandu kinabaluy nu Bangsamoro Organic Law bilang pangitaban nu Bangsamoro. Madak'l a mga masla personalities a imbitado kanu nadtalu a masla pakaragyan kap'd dn su Chairman nu Moro Islamic Liberation Front Al Haj Murad Ibrahim nandu si Senator Juan Miguel "Migz" Zubiri.
Pinanudtul ni Bai Sandra Sema su natala nilan lusa senate nandu congress nandu pinanalamatan nin su mga tagapda nin a mindulumasayan para bu a makalusut su Bangsamoro Organic Law sa senate nandu congress. Nya nin kadtalu na su Bangsamoro Organic Law na mapakay a tawag'n sa ANTI-WAR LEGISLATION sabapin sa nya dn ba i p'bpand'ng-p'dt'bp'd kanu tarsilan nu Bangsamoro makipantag sa kap'dtimbaka, kabangumis, kap'gkatuga nu lugu nandu su kap'gkarasay nu Bangsamoro ebpun kanu mga lapu a bangumis.
Nya nakatundug a midtalu-talu kanu hadapan nu madak'l a taw na si Senator Juan Miguel "Migz" Zubiri. Pidsinantal nin su Bangsamoro Autonomous Region in Muslim Mindanao na mas mapya kumin kanu Autonomous Region in Muslim Mindanao a kapapantagan a banguluwan ni Regional Governor Mujiv Hataman. Nalabit su BARMM na dikna dn mana su ARMM a bago makakwa sa budget ebpun sa central governent na mamalad-palad pan. Napanudtul nin bun su kinapangad'n nilan sa public consultation tkanu embala-bala ing'd mana su Cotabato City, Marawi City, Tawi-tawi nandu kapd pan a ing'd sa Mindanao tagap'da nin su mga senators.
Pidsinantal m'n'm ni Al Haj Murad Ebrahim sa mak'mp't kanu mga namakatalabuk su dal'm nu Bangsamoro Organic Law nandu nalabit nin bun su kina-angay nandu kinatap'nay nu mga LGUs ebpun sa embala-bala probinsya nu Bangsamoro sa manifesto mana su LGU nu Lanao Del Sur, Maguindanao nandu Lanao Del Norte sa inipayag nilan su kanilan a suporta kanu kitab a napagayunan nu GPH-MILF.
No comments:
Post a Comment